افضل خروجة ممكن تخرجها من البيت!!!!
 |
| Starry Night |
افضل خروجة ممكن تخرجها من البيت!!!!
لمحبى الفن والفنانين واصحاب الذوق الرفيع وبردوا لاى حد زهقان فى البيت بسبب الحظر والكورونا ونفسه يخرج ، ايه رايكم انكم تسافروا وتزوروا افضل المتاحف من كل مكان فى العالم وكل دا من بيتك!!!
جوجل للفن والثقافة دا موقع او (تطبيق) من جوجل موجود من ضمن التطبيقات الخاصة بجوجل، واللى من خلاله تقدر تروح اى متحف وتدخل تتفرج على التحف واللوحات الفنية الموجودة فى كل متحف مع ذكر كل المعلومات عن كل لوحة او منحوتة.
اختار فنانك المفضل وشوف كل لوحاته واتعرف على معلومات عن لوحاتك المفضلة واترسمت امتى؟
 |
| اختار الطريقة اللى انت عايز تتفرج بيها |
ممكن تتفرج على اى متحف على شكل فيديو عن طريق الرؤية 360 درجة كانك هناك بالظبط ، وتتحرك بالماوس فى المكان وتشوفه من كل الزوايا.
ممكن كمان تشوف اى لوحة بخاصية Street view ودى كانك جوا المتحف وواقف قدام اللوحة وتقدر تتحرك فى كل الزوايا زى ما هو واضح بالصورة بالاسفل.
 |
| متحف الفن الحديث بمدينة نيويورك |
الصورة دى لمتحف الفن الحديث بمدينة نيويورك (امريكا) اللوحة اللى متعلقة على الحائط دى لوحة Starry Night
للفنان فينسنت فان جوخ اترسمت عام 1889م.
فيه خاصية حلوة جدا انت ممكن تجمع كل اللوحات او المنحوتات اوالاماكن المفضلة ليك وتتحط فى صفحة واحده
(المفضلة Favorits) تقدر ترجعلها فى اى وقت.
اكتشف المدارس الفنية وتغييرها على مدار التاريخ زى الفن التشكيلى وغيره.
اشهر الشخصيات التاريخية والاحداث التاريخية هاتشوفها هناك كل اللى عليك انك تبحث عن اى معلومات انت عايزاها.
الموقع باللغة الانجليزية لو فى اى صعوبة فى فهم التعليق على كل لوحة او منحوتة ممكن تترجمها، ودى طريقة من الطرق لاضافة كلمات جديدة وبكدا تتعلم وتطور لغتك الانجليزية. وممكن تشوف افضل 7 كورسات لتعلم اللغة الانجليزية اتكلمت عنهم قبل كدا.
فيه حاجات تانية كتير جوا الموقع مش هاتكلم عنها وهاسيبها تكتشفوها انتم استمتعوا.😊
اميرة😊
تعليقات
إرسال تعليق